18 eta 44 urte bitarteko EAEko biztanleen % 13,5ek ez dute oraindik lehen etxebizitza eskuratu

Guztira, 18 eta 44 urte bitarteko 92.000 pertsona baino gehiagok oraindik ezin izan dute lehen etxebizitza eskuratu, eta gurasoen, tutoreen edo beste senide batzuen etxebizitzetan bizi dira. Adin-talde horretako hamar pertsonatik sei jada emantzipatuta daude. Datuak Eusko Jaurlaritzak egindako Euskal Autonomia Erkidegoko Etxebizitza Beharrei eta Eskaerari buruzko Inkestan (2019) jasota daude. Etxebizitza eskuratzeko beharra duten pertsona guztiak modu independentean kontuan hartuz gero, 103.293 etxebizitza beharko lirateke, txosten honen beraren arabera.

Etxebizitzaz aldatzeko beharra ere identifikatzen du inkestak, bertan bizi direnek adierazitakoaren arabera. Beharra ia %10 igo da azken bi urteetan, eta EAEko familia guztien % 9,3ri baino gehiagori eragiten die. Etxebizitzaren tamaina desegokia da aldatzeko arrazoi nagusia, eta, ondoren, etxearen egoera txarra, etxebizitza jabetzan nahi izatea, eta alokairu merkeagoaren nahia.

Etxebizitzen birgaitze-lanei dagokienez, hori egiteko beharrak EAEko familien ia %8ri eragiten die, 2017an baino %10 gutxiagori. Birgaitzeen erdiak etxebizitzen barruko hobekuntzekin lotuta egongo lirateke, eta beste erdi eraikinaren elementu komunak eraberritzearekin.

2020-07-14T09:31:27+00:00July 14th, 2020|Gobierno Vasco, Birgaitze, Etxebizitza soziala|

Leave A Comment

This site is protected by reCAPTCHA and the Google Privacy Policy and Terms of Service apply.

Gune honek Akismet erabiltzen du zaborra murrizteko. Ikusi nola prozesatzen diren zure erantzunen datuak.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies